ماهو ضغط الوقت؟
ضغط الوقت يحدث حينما يكون لديك اقل من دقيقة لتلعب نقلتك
ماهي اسباب الوقوع فى ضغط الوقت؟
1- التردد فى اتخاذ القرار وده احد الاسباب الشائعة اذا وجدت نفسك متردد بعد تفكير طويل لابد ان تثق فى البديهة بتاعتك وتلعب النقلة التى كنت تنوى ان تلعبها فى الحال.
2- القلق الشديد بسبب تفاصيل تافهة فى الموقف مش منطقى اننا نفكر لمدة نصف ساعة اذا كان مكسبنا لبيدق ممكن يكسبنا الدور ولا لا انما القطعة اللى احنا هانحطها على الهوا وتتاكل بعد كدة لما نضغط فى الوقت ده هايكلفنا النقطة بالكامل.
3- اعطاء نفسك عذر للخسارة فلو كنت من الناس اللى بيقولو بعد الدور انا كنت باكسب بس لولا ضغط الوقت فانت من هؤلاء الذين يعانون هذا المرض فى الحالات دى بيبقى اللاوعى مؤثر فى الموضوع ده لازم تاخد بالك ان الساعة جزء من الدور مهم زى القطع والرقعة والخسارة بسبب ضغط الوقت زيها زى الخسارة العادية الناتجة من اللعب السئ فى الحالتين النتيجة صفرالفرق الوحيد انك لو اضغطت فى الوقت ثق تماما ان احتمال خسارتك هايكون مؤكد لكن لو لعبت بسرعة ممكن تخسر بسبب اللعب السئ لكن كمان فى احتمال انك ماتخسرش.
كيف نتجنب الوقوع فى ضغط الوقت؟
1- الوصول الى الدور فى الميعاد ودى طريقة بسيطة وواضحة فى توفير الوقت.
2- ماتفكرش كتير هاتلعب انى افتتاح لو كنت بتلعب افتتاحيات كتير فكر فى الموضوع ده قبل ماتيجى الماتش.
3- ماتفكرش كتير فى نقلات الافتتاح النظرية مادام انت عارفها ومحضرها العبها على طول بدون تفكير.
4- ماتفكرش كتير مادام النقلة اجبارية خصمك اخذ قطعة وانت فجأة لاحظت انه لو انت اخذت قطعته فى احتمال انت ماكنتش متوقعه ماتفكرش خذ القطعة لان تفكيرك ده مش بس هايضيع الوقت لكن كمان ممكن ينبه الخصم انك قلقان من حاجة فى الموقف ولو ماكانش واخد باله من النقلة انت كدة مشكورا هاتكون نبهته لو كان فيه احتمال تانى فكر عادى الكلام انه الاخذ مافيش غيره يعنى اجبارى ولازم هايتلعب.
5- الشطرنج لعبة اتخاذ القرارات وتأجيل اتخاذ القرار ممكن مايكونش مفيد حاول ان يكون لديك عادة ان تسأل نفسك هل من المفيد التفكير فى النقلة اعمق من كدة ولا لا.
ماذا افعل اذا وقع خصمى فى ضغط الوقت؟
1- يجب ان تظل هادئا لانه من السهل جدا فى الوقت ده انك تتحمس وتبدأ فى اللعب بسرعة فى محاولة انه الخصم مايلحقش يفكر وكدة وجوده فى ضغط الوقت مش هايبقى مفيد لانك بتلعب بسرعة زيه كمان لازم تتوقف عن التفكير ان انتا لازم تكسب الدور فى ضغط الوقت الى واقع فيه الخصم وبالتالى تبتدى فى محاولات خطيرة للمكسب وانت فى الظروف العادية مش هاتقوم بيها ممكن تعمل كدة فى حالة واحدة لما يكون دورك خسارة والامل الوحيد اللى فاضل عندك فى المحاولة دى.
2-اللاعبون فى ضغط الوقت دائما يتركز انتباههم للافكار التكتيكية والاجبارية الموجودة فى الموقف لذلك لا تسمح لهم باى حركات تكتيكية وابقى دائما فى المسار الاستراتيجى والعب دائما النقلات المفيدة موقفيا كتحسين وضع قطعة او خلافه حتى ينتهى ضغط الوقت وقد حققت مكاسب موقفية كثيرة وحسنت من وضع قطعك.
ليست هناك تعليقات:
إرسال تعليق