اجابة السؤال الاولانى اعمل ايه؟
لازم يكون عندك برامج اساسية للتدريب من خلالها والبرامج دى هية-الفريتز12-شيس بيز11-الميجا 2011-التوتال تريننج ومجموعة كتب هانقول عنها فى وقتها.
لازم يكون لديك وقت فراغ يومى تخصصه للشطرنج تدرب فيه باستخدام البرامج دى بانتظام يوميا على ان لا يقل وقت تمرينك عن 3 ساعات كل يوم .
وهاعرض برنامج التدريب اليومى ده يبقى شكله ايه بعد كدة الخطوة التانية:
تبدأ فى الدراسة من خلال دراسة مراحل الشطرنج التلاتة الافتتاح ووسط الدور ونهاية الدور طب السؤال ادرس الافتتاح ازاى ؟
اولا :لازم تحدد ايه الافتتاحيات اللى انتا هاتلعبها بالابيض والاسود وتجمع مجموعة من الكتب عن هذه الافتتاحيات وياريت الكتب تبقى عبارة عن مجموعة ادوار عملية مشروحة فى الافتتاح وانتا بتدرس الادوار دى تجاوب عن الاسئلة دى :
1-ايه هية المربعات المهمة اللى احط فيها القطع بتاعتى فى الافتتاح ده يعنى مكان الوزير مكان الحصان مكان الفيل وكدة؟.
2-ايه هية الخطط التقليدية للابيض وللاسود فى الافتتاح ده؟.
3-ايه هية المناورات التقليدية للقطع بتاعتى فى الافتتاح ده؟.
4-هل توجد افكار تكتيكية شائعة للابيض وللاسود فى الافتتاح ده؟
5-هل توجد مواقف نهايات تقليدية فى الافتتاح ده؟ وهل تجيد انت هذا النوع من النهايات؟
6-مين من اللاعيبة الكبار متخصص فى الافتتاح ده؟
ثانيا: تلعب ادوار تدريبية مع الكمبيوتر او مع صديقك او عن طريق النت ووقت الادوار دى لازم مايبقاش قصير علي الاقل يكون 15 دقيقة للدور ونصف ساعة كل لاعب هو افضل وقت مهم اوى ان انتا تلعب الادوار التدريبية دى
من المستحب انك تلعب دورين بالافتتاح بتاعك ودور ضدد الافتتاح بتاعك وبالطبع مهم جدا انك تحلل الادوار دى باستخدام الكمبيوتر بعد ماتخلص كل دور منهم مباشرة.
الكتب العربي المقترحة لو مافيش انجليزى:
الكامل فى الشطرنج- والخطة والتكتيك -ومبادئ الشطرنج لكابابلانكا (كتاب مهم جدا على فكرة).
الكتب الاجنبية المهمة فى الافتتاح :mastering the chess opening vol 1-2-3-4 (john Watson)
فى وسط الدور: art of middle game (keres –kotov)-art of attack (vukovic)-how to reassess your chess(silman).
في نهاية الدور :practical chess endings (keres)
ليست هناك تعليقات:
إرسال تعليق